25 aprel “Sahibkarlar günü” ilə əlaqədar olaraq “Azərbaycan Tikinti İstehsalçıları Assosiasiyası”nın İdarə Heyətinin sədri Ramiz İsayev, Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov və digər rəsmi şəxslər Fəxri Xiyabanda ümummilli lider Heydər Əliyevin məzarını ziyarət edib, ulu öndərin əziz xatirəsini ehtiramla yad edərək, məzarı önünə gül dəstələri düzüblər. Oftalmoloq-alim, akademik Zərifə Əliyevanın da xatirəsi ehtiramla anılıb, məzarı üzərinə tər çiçəklər düzülüb. Daha sonra Şəhidlər Xiyabanında ölkəmizin azadlığı və suverenliyi uğrunda canlarından keçmiş qəhrəman Vətən övladlarının xatirəsi ehtiramla yad edilib, məzarları üzərinə güllər düzülüb. “Əbədi Məşəl” kompleksinə əklil qoyulub. Allah rəhmət eləsin!