Böyük Misir Muzeyinin (Grand Egyptian Museum) təntənəli açılış mərasimi münasibətilə Qahirədə keçirilən beynəlxalq tədbirə Azərbaycan Tikinti İstehsalçıları Assosiasiyası (ATİA) da onlayn formatda qoşulub. Assosiasiya tədbirdə Misirin Azərbaycandakı səfirinin xüsusi dəvəti ilə iştirak edib. Açılışla bağlı tədbir Bakıda Heydər Əliyev Mərkəzində təşkil olunub və burada bir sıra dövlət qurumlarının, diplomatik nümayəndəliklərin, eləcə də ictimai və işgüzar dairələrin nümayəndələri iştirak ediblər. Dünyanın ən böyük arxeoloji komplekslərindən biri hesab edilən Böyük Misir Muzeyi müasir memarlıq, davamlı tikinti prinsipləri və mədəni irsin qorunması baxımından xüsusi əhəmiyyət kəsb edir. 490 min kvadratmetr sahəni əhatə edən bu nəhəng layihə ən son texnoloji yeniliklər və innovativ mühəndislik həlləri ilə həyata keçirilib.