Azərbaycan Tikinti İstehsalçıları Assosiasiyasının İdarə Heyətinin sədri Ramiz İsayev İctimai TV-ə verdiyi müsahibədə tikinti sahəsində mühüm problemlərdən biri olan köçürülmələr və kompensasiyalar məsələsinə toxunub. O bildirib ki, köçürmə zamanı kompensasiyaların verilməsi ilə bağlı vahid qayda mövcud deyil və bu, sahibkarlar üçün ciddi çətinliklər yaradır.Bununla əlaqədar olaraq, Assosiasiya kompensasiyaların hesablanması ilə bağlı təkliflər paketi hazırlayıb. Təkliflər paketi sahədə vahid və şəffaf mexanizmin yaradılması məqsədini daşıyır və yaxın vaxtlarda aidiyyəti qurumlara təqdim olunacaq.