Azərbaycan Tikinti İstehsalçıları Assosiasiyasının nümayəndələri Bakı İqlim Fəaliyyəti Həftəsində iştirak edib

Azərbaycan Tikinti İstehsalçıları Assosiasiyasının nümayəndələri Baku Marriott Hotel Boulevard-da keçirilən Bakı İqlim Fəaliyyəti Həftəsinin (BCAW2025) ikinci buraxılışında iştirak ediblər.
COP29-dan əvvəl keçirilən ilk Bakı İqlim Fəaliyyəti Həftəsinin uğurundan sonra təşkil olunan BCAW2025 yüksək təsirli iqlim həllərinin müzakirəsi, beynəlxalq təcrübə və bilik mübadiləsi, eləcə də əməkdaşlıq üçün mühüm platforma rolunu oynayır.

İqlim Fəaliyyəti Həftəsi modeli dünyada iqlim diplomatiyasının güclənməsinə və regional diqqətin artırılmasına mühüm töhfə verib. BCAW2025 isə COP29-un yaratdığı sürəti davam etdirərək Bakını iqlim həlləri icmasının əsas regional toplantı məkanına çevirir.